नर्भिक अस्पतालमा भर्ना भएकी एक महिलामा कोभिड—१९ पोजेटिभ, पाटन अस्पताल लगियो

काठमाडौं—थापाथलीस्थित नर्भिक अस्पतालमा भर्ना भएकी एक महिलामा कोभिड—१९ पोजेटिभ देखिएपछि उनलाई पाटन स्वास्थ्य विज्ञान प्रतिष्ठानको कोभिड अस्पतालमा लगिएको छ ।

काठमाडौं उपत्यका बाहिरबाट उपचारका लागि आएकी ती महिला नर्भिक अस्पतालमा भर्ना भएकी थिइन् । उनमा कोभिड—१९ शंका लागेर परीक्षण गर्दा पोजेटिभ देखिएपछि उनलाई पाटन अस्पतालको आइसोलेसनमा ल्याइएको अस्पतालका निर्देशक प्रा. डा. विष्णु शर्माले बताए ।

‘नर्भिकबाट विहान ११ बजेतिर ल्याइएको हो,’ डा. शर्माले हेल्थआवाजसँग भने, ‘उहाँ काठमाडौं बाहिरकी महिला हुनुहुन्छ ।’