थप २ चिकित्सकसहित ४ स्वास्थ्यकर्मीलाई कोरोना पुष्टि

पोखरा–पर्वतको गुप्तेश्वर क्याम्पसमा बनाइएको कोरोना अस्थायी अस्पतालमा काम गर्ने २ जना चिकित्सक, १ जना नर्स, १ जना ल्याव असिस्टेन्ट र १ जना कार्यलय सहयोगीमा कोरोना पुष्टि भएको छ ।

गण्डकी प्रदेश स्वास्थ्य निर्देशनालय प्रमुख डा. विनोद विन्दु शर्माका अनुसार संक्रमित हुने ५ जना जिल्ला अस्पताल पर्वतमा कार्यरत हुन् ।

उनीहरु अघिल्लो हप्ता सो अस्थायी अस्पतालमा ड्यिुटीमा खटिएका थिए । एक हप्ताको ड्युटी सकेर क्वारेन्टाइनमा बसेका ५ जनाको स्वाव परिक्षण गर्दा बिहिवार पोजेटिभ आएको हो । उनीहरु खटिएको समयमा सो अस्थायी अस्पतालमा ८ जना संक्रमित राखिएको थियो ।

गण्डकी प्रदेशमा आजमात्र थप २४ जनामा कोरोना पोजेटिभ आएको छ । यो सँगै प्रदेशमा संक्रमितको संख्या ३ सय ४८ पुगेको छ ।
हिजै मात्र बाजुराका ६ जना स्वास्थ्यकर्मीमा पनि कोरोना पुष्टि भएको थियो ।