विराटनगरमा होम आइसोलेसनमा बसेका कोराना संक्रमितको मृत्यु

विराटनगर– विराटनगर महानगरपालिका ६ सरोचियास्थित ४५ वर्षिय कोरोना संक्रमित पुरूषको होम आइसोलेसनमा मृत्यु भएको छ ।
हाेम आइसाेलेशनमा बसेका संक्रमित पुरुषको बिहीबार राती ८ बजे मृत्यु भएको वडाअध्यक्ष विजय कामतले जानकारी दिए ।

उनको भदौ ३ गते कोरोना संक्रमण पुष्टि भएको थियो । विराटनगर महानगरपालिका र प्रदेश सरकारले बनाएको आइसोलेसन खाली नभएपछि संक्रमित पुरुष होमआइसोलेनमा बसेका थिए ।

होम आइसोलेसनमा मृत्यु भएको प्रेदशमै यो पहिलो घटना हो । संक्रमित राखेर उपचार गर्ने आइसोलेसन भरिएपछि महानगरपालिका भित्र ३ सय ४१ जना होम आइसोलनमा छन् ।

यो संगै विराटनगरमा कोरोना संक्रमणका कारण मृत्यु हुने संख्या ९ पुगेको छ ।