कोभिड—१९ पीसीआर परीक्षण शुल्क २ हजारभन्दा बढी लिन नपाइने

काठमाडौं—सरकारले कोभिड—१९ को आरटी पीसीआर विधीबाट परीक्षण गर्ने शुल्क घटाएको छ ।

स्वास्थ्य तथा जनसंख्या मन्त्रालयले यसअघि तोकेको ४ हजार रुपैयाँबाट घटाएर २ हजारभन्दा बढी लिन नपाउने नियम बनाएको हो ।

मन्त्रालयको नियमित पत्रकार ब्रिफिङमा प्रवक्ता प्रा. डा. जागेश्वर गौतमले पीसीआर रिएजेन्टको अन्तर्राष्ट्रिय मूल्य घटेको भन्दै सबै पीसीआर ल्याबलाई लागु हुने गरी सो मुल्य तोकिएको जानकारी दिएका हुन् ।

सुरुमा आरटी पीसीआर गरेको मुल्य ५ हजार ५ सय तोकिएको थियो । दुई हप्ताअघि मात्र सरकारले सो मूल्य घटाएर ४ हजारमा झारेको थियो । आइतबार त्यसमा पनि घटाएर २ हजार तोकिएको हो ।