भिखमपुरको स्वास्थ्य केन्द्रमा महासंघद्वारा सरसफाई कार्यक्रम सम्पन्न

जनकपुर – पर्साको धोविनी गाउँपालिकामास्थित भिखमपुर स्वास्थ्य केन्द्रमा ओबिसि महासंघले सरसफाइ गरेको छ । कोरोना कहर संगे देशमा घोषणा गरिएको केन्द्रीय र स्थानीय तहको लकडाउन अन्य विभिन्न आदेशका कारण स्वास्थ केन्द्रमा सेवाग्राहीको आवतजावत नभएकोले केन्द्रको वरिपरि झारपात पलाएको थियो ।

७ महिना पछि प्रसुती सेवा सहित संचालनमा आएको स्वास्थ्य संस्थालाई नै सफा राख्नु पर्ने सामाजिक दायित्वलाई निर्वाह गर्दै अखिल नेपाल पिछडा वर्ग ओबिसि महासंघ पर्साले सरसफाइ गरेको हो ।

झण्डै ७ महिनाको अन्तरालपछि जनजीवन सामान्य अवस्थामा फर्किदै गरेको छ । यस्तोमा नागरिकलाई स्वास्थ्य सेवा प्रवाह गर्ने संस्थाहरुलाई पनि सफा गर्नु आफूहरुको दायित्व रहेकोले सरसफाई गरिएको महासंघका अध्यक्ष ओनीराज रौनियारले बताए ।