स्वास्थ्य र शिक्षाको विकासले मात्र राष्ट्र समृद्ध हुन्छ : मन्त्री यादव 

पर्सा-उपप्रधान तथा स्वास्थ्य जनसंख्यामन्त्री उपेन्द्र यादवले स्वास्थ्य र शिक्षाको विकास बिना मुलुक समृद्ध हुनै नसकिने धारणा व्यक्त गरेका छन् ।

मंगलबार वीरगन्ज महानगरले आयोजना गरेको एक कार्यक्रममा बोल्दैं उनले शारिरिक तथा मानसिक रुपमा स्वास्थ्य र शिक्षित ब्यक्तिले नै समाज तथा राष्ट्रलालाई निकास दिन सक्ने विश्वव्यापी मान्यतालाई दृष्टिगत गर्दै आम नेपाली जनातालाई सहज रुपमा स्वास्थ्य सेवा प्रदान गर्न सक्ने बताए ।

नेपाल सरकारले प्रत्येक गाउँमा प्राथमिक स्वास्थ्य चौकी, वडामा स्वास्थ्य चौकी, शहरमा अस्पताल र महानगरपालिकाहरुमा विशिष्ट सेवा सहितको केन्द्रीय अस्पताल निर्माणमा सरकार लागेको मन्त्री यादवले जानकारी दिए ।