कर्मचारी समायाेजन/मिलान फारम भर्ने म्याद १५ दिन थप

काठमाडौँ – सरकारले कर्मचारी समायोजन मिलान फारम भर्ने म्याद १५ दिनको लागि थप गरेको छ । स्वास्थ्य मन्त्रालयले आइतबार सूचना जारी गरी ‘कर्मचारी समायोजन/मिलान सम्बन्धि मापदण्ड,२०७७’ अनुसार यसअघि समायोजन भएका वा समायोजन हुन बाँकी रहेकालाई सही ढाँचामा निवदेन पेश गर्न म्याद थप गरेको जनाएको हो ।

एकै व्यक्तिले पटक-पटक अनलाइन फारम भरेको देखिएको भन्दै मन्त्रालयले रितपुर्वक आवश्यक कागजातहरु पूरा गरेर एकपटक मात्र निवेदन पेश गर्न अनुरोध गरेको छ ।

यसअघि फागुन १६ गतेभित्र निवेदन दिने अन्तिम मिति तोकिएको थियो ।