भारतमा भ्याक्सिनको दुई डोज लगाइसकेका नर्स र डाक्टरमा कोरोना पुष्टि

भारतमा भ्याक्सिनको दुई डोज लगाएकी नर्समा कोरोना सक्रमण पुष्टि भएको छ। दिल्लीस्थित एक अस्पतालमा कार्यरत नर्समा कोरोना खोपको दुई डोज लगाएको बाबजुद पनि कोरोना संक्रमण पुष्टि भएको हो।

सोमबार अस्पताममा ड्युटी गर्दा उक्त नर्समा स्वास्थ्य समस्या देखिएपछि तुरुन्त र्यापिड एन्टीजेन परीक्षण गराउँदा संक्रमित पाइएको हो। उनलाई अहिले होम आइसोलेशन मा राखिएको छ।

त्यस्तै, केस उत्तर प्रदेशको राजधानी लखनऊमा पनि देखिएको छ। त्यहाँ कोरोना खोपको दोस्रो डोज लगाउने एक डाक्टरमा कोरोना संक्रमण पुष्टि भएको छ। उक्त डाक्टरले १६ मार्चमा दोस्रो डोज लगाएका थिए। खोप लगाएका उनको स्वास्थ्य बिग्रिएपछि कोरोनाको जाँच गराए। २१ मार्चमा कोरोना पुष्टि भयो।

-एजेन्सी