स्वास्थ्य अनुसन्धान परिषद्को अध्यक्षमा प्रा.डा. बराल

काठमाडौं—नेपाल स्वास्थ्य अनुसन्धान परिषद्को अध्यक्षमा प्रा.डा. गेहनाथ बराल नियुक्त भएका छन् । एक महिनाअघि निवर्तमान अध्यक्ष डा. अन्जनीकुमार झाको चार वर्षे कार्यकाल सकिएसँगै परिषद्को अध्यक्ष पद खालि रहेको थियो ।

बिहीबार बसेको मन्त्रिपरिषद्को बैठकले डा. बराललाई चार वर्षका लागि परिषद्को अध्यक्षमा नियुक्त गरेको हो । डा. बराल नेपाल सरकारका ११ औं तहका चिकित्सक हुन् । यसअघि उनको दरबन्दी कोशी अस्पतालमा थियो । तर, उनी अहिले बेतलबी बिदामा बसेका छन् ।

स्वास्थ्यमन्त्री हृदयेश त्रिपाठीको सिफारिस बिहीबारका क्याबिनेटको बैठकले उनको जिम्मेवारी दिएको हो । स्वास्थ्य अनुसन्धान परिषद्को रिक्त रहेको उपाध्यक्षमा पदमा डा. गौरव ढकाल नियुक्त भएका छन् । उनी हाल ट्रमा सेन्टर कार्यरत छन् ।