२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ कृषिमन्त्री खनाललाई डेंगु संक्रमण, ग्राण्डीमा उपचार गरिदै

कृषिमन्त्री खनाललाई डेंगु संक्रमण, ग्राण्डीमा उपचार गरिदै


काठमाडौं– कृषि तथा पशुपंक्षी विकास मन्त्री चक्रपाणी खनालमा डेंगुको संक्रमण देखिएको छ । संक्रमण देखिएपछि मन्त्री खनाललाई बुधबारदेखि ग्राण्डी अस्पतालमा भर्ना गरी उपचार गरिएको मन्त्री खनालको निजी सचिवालयले जनाएको छ ।

टाउको दुख्ने, ज्वरो आउने लगायतका समस्या देखिएपछि मन्त्री खनाल केही दिनअघि ललितपुरको निदान हस्पिटल पुगेका थिए । तर, अस्पतालले डेंगु भएको आशंकामा मन्त्री खनाललाई टेकुस्थित शुक्रराज ट्रपिकल तथा सरुवा रोग अस्पतालमा रिफर गरेको थियो ।
शुक्रराज अस्पतालमा रगत परीक्षण गराउँदा डेंगु भएको पुष्टी भएको थियो ।

अहिले देशभर डेंगुको प्रकोप फैलिएको छ । डेंगुका बिरामीको संख्या बढ्दै गएपछि शुक्रराज ट्रपिकल तथा सरुवा रोग अस्पताल टेकुले मंगलबारबाट छुट्टै ज्वरो क्लिनिक संचालनमा ल्याएको छ । दैनिक ४ सयभन्दा बढी बिरामी ज्वरो सम्बन्धि रोगका आउन थालेपछि छुट्टै क्लिनिक स्थापना गरिएको अस्पतालले जनाएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ