डिनको राजीनामा माग्दैं केयु मेडिकल साइन्सको कार्यालयमा तालाबन्दी

काठमाडौं-काठमाडौ विश्वविद्यालय स्कुल अफ मेडिकल साइन्सले आगामी वर्षको लागि लिएको एमवीवीएस र बिडीएस प्रवेश परिक्षामा गम्भीर लापरवाही गरेकाले डिनले तत्काल राजीनामा दिनुपर्ने माग गर्दै डिन कार्यालयमा तालाबन्दी गरिएको छ ।

युवा चिकित्सक संघ नेपाल र युवा चिकित्सक संघ विश्वविद्यालय समितिले बिहिवार डिनको कार्यालयमा तालावन्दी गरेका हुन् । उनीहरुले प्रवेश परीक्षाको नतिजा निकाल्दा आर्थिक चलखेलसमेत भएको आशंका गरिएको भन्दै परीक्षा संचालनमा संलग्नलाई तत्काल कार्वाही गर्न विश्वविद्यालयका उपकुलपतिलाई ज्ञापन समेत बुझाएका छन् ।

राष्ट्रिय चिकित्सा शिक्षा आयोग र मेडिकल काउन्सिललाइ बोद्यार्थ दिइएको सो पत्रमा केयुले काउन्सिलको मापदण्ड विपरीत सिट संख्या थपेको, मेडिकल कलेजहरुलाई जथाभावी पैसा असुल्न दिएकोजस्ता आरोप समेत लगाइएको छ ।

हेर्नोस पत्र