नेपालमा कोभिड संक्रमितको संख्या बढ्दै, एकैदिन ९१२जनामा संक्रमण पुष्टि

काठमाडौं -नेपालमा दिनानुदिन कोभिड-१९ संक्रमण बढ्दै गैरहेको छ ।  पछिल्लो २४ घण्टामा मात्रै नेपालमा थप ९ सय १२ जनामा कोभिड-१९ संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

संक्रमणको संख्यासँगै सक्रिय संक्रमित र आइसियूमा बिरामीको संख्या पनि बढ्दो देखिन्छ । हाल नेपालमा सक्रिय संक्रमितको संख्या ५ हजार ७ सय ३० छ। शुक्रबार ४२ जना संक्रमित आइसियूमा र २ जना भेन्टिलेटरमा उपचाररत छन् ।

त्यस्तै, थप ३७० संक्रमित संक्रमणमुक्त भएका छन् । सोही अवधिमा १ जना संक्रमितको मृत्यु भएको छ ।