महोत्तरी १ मा पूर्व स्वास्थ्यमन्त्री पोखरेल पराजित, एमालेका महतो कोइरी विजयी

काठमाडौं-महोत्तरी १ मा पूर्व स्वास्थ्य तथा जनसंख्यामन्त्री गिरिराजमणि पोखरेल पराजित भएका छन् । उक्त क्षेत्रबाट निरन्तर जित्दैं आएका माओवादी केन्द्रका उपमहासचिव पोखरेलको संसद यात्रा यसपटक नेकपा एमाले उम्मेदवार लक्ष्मी महतो कोइरीले ब्रेक लगाइदिएका हुन् ।

महोत्तरी १ को अन्तिम मत परिणामअनुसार महतोले २३ हजार ४०२ मत ल्याएर विजयी भएका छन् । पोखरेलले भने २२ हजार ३७२ मत पाए ।

यस्तै, स्वतन्त्र उम्मेदवार पोषणबहादुर थापाले ७ हजार ८१२, जनमत पार्टीका राजकिशोर साहले तीन हजार ५९८, राष्ट्रिय स्वतन्त्र पार्टीकी खेमकुमारी भुर्तेतले २ हजार ६४ मत ल्याएका छन् ।

महोत्तरी १ मा तीब्र प्रतिस्पर्धाका भएको थियो । मतगणनाको सुरुवातदेखि नै महतो कोइरीले लिड गरेका थिए । उक्त अग्रतालाई पोखरेलले ब्रेक गरेपनि अन्तिमसम्म अग्रता जोगाउन नसक्दा पोखरेल पराजित भएका हुन् ।