कनकासुन्दरीमा ७२ जनाको पोषण परीक्षण, ७ जना शिघ्र कुपोषित

जुम्ला – जुम्लाको कनकासुन्दरी गाउँपालिकामा ७२ जना पाँच वर्ष मुनिका बालबालिकाको पोषण परीक्षण गरिएको छ । कनकासुन्दरीको हाँडसिजा स्वास्थ्य चौकीमा कर्णाली स्वास्थ्य विज्ञान प्रतिष्ठानमा रहेको पोषण पुनर्स्थापना केन्द्रको आयोजनामा पोषण परीक्षण गरिएको हो ।

पोषण परीक्षण गरिएको बालबालिका मध्ये ७ जनालाई शिघ्र कुपोषित र १४ जनालाई मध्यम कुपोषण पत्ता लागेको स्वास्थ्य चौकी इन्चार्ज विरेन्द्र उपाध्यायले बताए । उनले भने मध्यम कुपोषित बालबालिकालाई यहाँको पोषण सुधार केन्द्रमा भर्ना गरी उपचार गरिने छ ।

शिघ्र कुपोषित ७ जनालाई बालबालिकालाई जुम्लाको खलङ्गास्थित कर्णाली स्वास्थ्य विज्ञान प्रतिष्ठानको पोषण पुनर्स्थापना केन्द्रमा भर्ना गरिने छ । उनीहरूलाई पठाउने तयारी गरिएको उनले बताए ।

बच्चाहरूको खानपिन ध्यान नदिने र गाउँघरमा बढी काम व्यस्त भएर हेरचार नगर्दा कुपोषित हुने गरेको स्वास्थ्य चौकी इन्चार्ज उपाध्यायको भनाई छ ।