बलिउड अभिनेता आमिर खान विपश्ना गर्न काठमाडौंमा

काठमाडौं—बलिउडका चर्चित अभिनेता आमिर खान विपश्नाका लागि काठमाडौं आएका छन् । आइतबार विहान १० बजे उनी भिस्तारा एयरलाइन्सबाट नेपाल आएका हुन् ।

‘उहाँ शिविरका लागि आउनुभएको हो,’ ज्योति समूहका अध्यक्ष डा. रुपज्योतिले हेल्थआवाजसँग भने, ‘शिविरको अवधि ११ दिन हुन्छ, उहाँ त्यतिन्जेल बस्नुहुन्छ ।’

आमिर नेपाल आइपुगेलगतै बुढानिलकण्ठस्थित विपश्ना केन्द्र पुगेका छन् । गजिनी, थ्री इटियटजस्ता चर्चित फिल्म बनाएका आमिर सन् २०१४ मा युनिसेफको दूतका रुपमा काठमाडौं आएका थिए ।