डा. रुइतको जीवनी पाठ्यपुस्तकबाट हटाइएको एमाले सांसदको आपत्ती

काठमाडौं—नेकपा एमालेका सांसद रघुजी पन्तले वरिष्ठ नेत्र रोग विशेषज्ञ डा. सन्दुक रुइतको जीवनी पाठ्यपुस्तकबाट हटाइएकोमा आपत्ती जनाएका छन् । मंगलबार प्रतिनिधीसभा बैठकमा बोल्दैं एमाले सांसद पन्तले डा. रुइतको जीवन पाठ्यपुस्तकबाट हटाइएकोमा आपत्ती जनाएका हुन् ।

‘डा. सन्दुक रुइतका बारेमा लेखिएको ८ पृष्ठको जीवनी पढाइन्थ्यो । त्यो पाठ्यपुस्तकबाट हटाइयो,’ सांसद पन्तले भने, ‘उहाँका कारण हाम्रो देशको इज्जत बढेको छ । उहाँको जीवन पढाउन आवश्यक भएर नै राखिएको थियो ।’

उनले पाठ्यपुस्तकबाट जीवन हटाउने सरकारको निर्णयबारे शिक्षामन्त्रीबाट जवाफसमेत माग गरेका छन् ।

डा. रुइतको जीवनी कक्षा १० को नेपाली किताबमा समेटिएको थियो । तर, सरकारले चालु शैक्षिक सत्रबाट उक्त जीवन पाठ्यपुस्तकबाट हटाएको छ ।