प्रधानमन्त्री ओलीको आज पुनः डायलाइसिस हुँदै

काठमाडौं–स्वास्थ्यमा समस्या आएपछि बुधबार धापासीको ग्राण्डी अस्पतालमा भर्ना भएका प्रधानमन्त्री केपी शर्मा ओलीको आज पुनः डायलाइसिस हुँदैछ । ओलीको दोस्रो पटक आज बिहीबार डायलाईसिस गरिन लागेको नेकपाका नेता भिम रावलले जानाकारी दिए ।

उनको अवस्था हेरी आज साँझ डिस्चार्ज गरिने नेता रावलले जानाकारी दिए । ओलीलाई भेट्न रावल अस्पताल पुगेका थिए ।

प्रधानमन्त्रीको रगतमा क्रियाटिनिनको स्तर सामान्य भन्दा निकै नै माथि छ र डायलाइसिस पछि पनि त्यो कम भएको छैन ।

अकस्मात बिरामी भएपछि प्रधानमन्त्री ओलीलाई बुधबार ग्राण्डी अस्पताल भर्ना गरिएको थियो ।