मेडिकल विद्यार्थी आन्दोलित

काठमाडौं– मेडिकल कलेजहरुले लिएको बढी शुल्क तत्काल फिर्ता गर्नुपर्ने माग राख्दै चिकित्सा शिक्षा अध्ययनरत मेडिकल कलेजका विद्यार्थीहरुले काठमाडौंको माइतीघर मण्डलामा विरोध प्रदर्शन गरेका छन् ।

सरकारले तोकेको भन्दा बढी रकम लिएको भन्दै विरगंजको नेशनल मेडिकल कलेज, भैरहवाको युनिभर्सल मेडिकल कलेज, भरतपुरको चितवन मेडिकल कलेज र पोखराको गण्डकी मेडिकल कलेजका विद्यार्थीहरुले मंगलबार काठमाडौंमा आन्दोलन गरेका हुन् ।

यसअघि उनीहरु आफु अध्ययनरत मेडिकल कलेजहरुमा आन्दोलनरत थिए । आफुहरुको मागको सुनुवाई नभएको भन्दै उनीहरु काठमाडौं आएका हुन् ।

सरकारले मेडिकल कलेजहरुलाई बढी लिएको शुल्क फिर्ता गर्न निर्देशन दिएता पनि कलेज सञ्चालकहरुले अटेर गरिरहेका छन् । विद्यार्थीहरुको आन्दोलनमा विभिन्न विद्यार्थी संगठनहरुले ऐक्यबद्धता जनाएका छन् ।