प्रधानमन्त्री ओली अस्वस्थ, भेटघाट बन्द

काठमाडौं—प्रधानमन्त्री तथा नेकपा एमालेका अध्यक्ष केपी शर्मा ओली अस्वस्थ भएका छन् । बुधबार अस्वस्थ भएपछि तय भएका सबै भेटघाटलगायतका कार्यक्रम रद्ध गरिएका छन् ।

प्रधानमन्त्री ओलीको घाँटीमा समस्या आएकाले उनले रेष्ट गरिरहको उनको सचिवालयले जनाएको छ । चिसोका कारण उनले स्वरमा समस्या आएको बताइएको छ । मंगलबार बेलुका ओली एमाले सचिवालय बैठकमा सहभागी भएका छन् ।

अस्वस्थ भएकै कारण सशस्त्र प्रहरी दिवस—२०८१ को अवसरमा हल्चोकमा आयोजित कार्यक्रममा पनि उनी सहभागी भएनन् ।