काठमाडौं—नेपाल अर्थोपेडिक्स अस्पताल जोरपाटीका बरिष्ठ अर्थोपेडिक सर्जन डा. कैलाशकुमार भण्डारीको अगुवाईमा एक दिने निःशुल्क स्वास्थ्य शिविर सम्पन्न भएको छ । शनिबार नोवेल एकेडेमी नयाँ बानेश्वरमा उक्त शिविर सम्पन्न भएको हो ।
नोबेल एकेडेमी र फ्रन्टलाइन अस्पताल पुरानो बानेश्वरको संयुक्त आयोजनामा विशेषज्ञ चिकित्सकसहितको निःशुल्क स्वास्थ्य शिविर सम्पन्न भएको हो ।
सो शिविरमा अर्थोपेडिक अस्पताल, फ्रन्टलाइन अस्पताल, वीर अस्पताललगायतका विशेषज्ञ चिकित्सकहरुले स्वास्थ्य परीक्षण गरेका थिए । डा. भण्डारीको अगुवाइमा यसअघि अंग्रेजी वर्षको पूर्वसन्ध्यामा काठमाडौंको वडा नं. ३२ मा एक महिनाअघि निःशुल्क स्वास्थ्य शिविर संचालन भएको थियो ।
डा. भण्डारीले आफ्नो समाजप्रतिको सामाजिक उत्तरदायित्व निर्वाह गर्नका लागि निःशुल्क स्वास्थ्य शिविरको अगुवाई गरेको जानरकारी दिए । शनिबार संचालन भएको स्वास्थ्य शिविरमा ७०० बढीले स्वास्थ्य परिक्षण गराएका थिए । सो अवसरमा रक्तदान कायर्क्रम समेत सम्पन्न भएको थियो ।
डा. भण्डारीले नियमित रुपमा काठमाडौंका विभिन्न स्थानमा स्वास्थ्य शिविर आयोजना गर्ने जानकारी दिए ।
