काठमाडौं—चितवन मेडिकल कलेज प्रा.लि.ले १० महिनामा कारोबार २ अर्ब माथिको कारोबार गरेको पाइएको छ । चितवन मेडिकल कलेजले सन् २०२५ को १० महिनामा २ अर्ब ३ करोड १० लाख रुपैयाँ (अपरिष्कृत)को कारोबार गरेको हो ।
चितवन मेडिकल कलेजको यो कारोबार गत वर्षको तुलनामा उलेख्य रुपमा वृद्धि भएको हो । गत वर्षभरमा उसको कारोकार १ अर्ब ९७ करोड ४० लाख रुपैयाँ रहेको थियो । तर, सन् २०१० को १० महिनामै उसले सन् २०२४ को कारोबारलाई उछिनेको हो ।
कलेजले सन् २०२३ मा १ अर्ब ६९ करोड ८० लाख रुपैयाँको कारोबार गरेको थियो भने सन् २०२२ मा २ अर्ब ७ करोड ९० लाख रुपैयाँको कारोबार गरेको थियो ।
सन् २००६ मा चितवनमा कार्यरत चिकित्सकहरुले स्थापना गरेको यो कलेज २५ जनवरी २०२४ बाट पब्लिक लिमिटेडमा रुपान्तरण भएको थियो ।
त्रिभुवन विश्वविद्यालयअन्तर्गत एमबीबीएस, बिडिएस, एमडी/एमएस, बीएस्सी नर्सिङ, बीएनलगायतका चिकित्सा शिक्षाका कार्यक्रमहरु चितवन मेडिकल कलेजले सञ्चाल गरिरहेको छ । वेवसाइटमा उल्लेख भएअनुसार कलेजले ७५० शय्याको मल्टीस्पेसियालिटी टर्सरी लेभलको अस्पतालमा सञ्चालन गरिरहेको छ ।
अस्पतालको कारोबारको ५६ प्रतिशत अस्पताल र ३८ प्रतिशत मेडिकल कलेजले ओगट्दैं आएको छ ।
