काठमाडौं—स्वास्थ्य तथा जनसंख्यामन्त्री बन्ने सम्भावना बढेपछि अतिरिक्त सचिव डा. संगीता कौशल मिश्राले पदबाट राजीनामा दिएकी छन् । आइतबार उनले सुशीला कार्की नेतृत्वको मन्त्रीमण्डलमा स्वास्थ्यमन्त्री सम्भावना बढेपछि अतिरिक्त सचिव पदबाट राजीनामा दिएकी हुन् ।
उनी स्वास्थ्य सेवाकी १२ औं तहकी उच्च अधिकारी हुन् । स्त्री तथा प्रसूति रोग विशेषज्ञ डा. संगीताले यसअघि स्वास्थ्य सेवा विभागको महानिर्देशक, समन्वय महाशाखा, कोशी र स्त्री तथा प्रसूति रोग अस्पतालको मेडिकल सुपरिटेन्डेन्टका रुपमा काम गरेकी थिइन् ।
स्वास्थ्य सचिव हुने लाइनमा रहेकी उनी स्वास्थ्य सचिव भने बन्न सकिनन् । निवर्तमान स्वास्थ्य तथा जनसख्यामन्त्री प्रदीप पौडेलसँग स्वास्थ्य सचिव नियुक्त आफूलाई अन्याय गरेर डा. विकास देवकोटालाई सचिव बनाइएको भन्दै असन्तुष्ट बनेकी थिइन् ।
स्वास्थ्य सचिव नियुक्तिमा मन्त्रीसँग बढेको यही असन्तुष्टीका कारण उनी झण्डै ६ महिना लामो समय विदामा बसेकी थिइन् । पौडेल स्वास्थ्य मन्त्रीबाट हटेसँगै बिहीबारबाट ६ महिनाभन्दा बढी लामो बिदा टुंग्याउँदैं उनी मन्त्रालयमा हाजिर भएकी थिइन् ।
१२ औं तहकी डा. संगीता जेन—जीको आन्दोलनको बलमा सुशील कार्की नेतृत्वको अन्तरिम सरकार बनेसँगै सक्रिय भएकी थिइन् ।
बालेनसँगको समधुर सम्बन्धका कारण उनी स्वास्थ्यमन्त्री बन्न लागेको बताइएको छ । ‘उहाँको स्वास्थ्यमन्त्री बन्ने उच्च सम्भावना छ,’ स्रोतले भन्यो, ‘अन्तिम अवस्थमा केही परिवर्तन नभए उहाँ स्वास्थ्यमन्त्री बन्नकै लागि अतिरिक्त सचिवबाट राजीनामा दिनुभएको हो ।’
