भारतमा लगेर मिर्गौलाको बेचबिखन गरेको आरोपमा दुई जना पक्राउ

काठमाडौं—नेपाल प्रहरीले मिर्गौला बेचबिखन गरेको आरोपमा दुई जनालाई पक्राउ गरेको छ ।

सोमबार जिल्ला प्रहरी परिसर काठमाडौंले सर्वसाधारणलाई ललाई फकाई भारतमा लगेर मिर्गौला बिक्री वितरण गरेको आरोपमा दुई जनालाई पक्राउ गरेको हो ।

जिल्ला प्रहरी परिसर काठमाडौंका सूचना अधिकारी पवनकुमार भट्टराईकाअनुसार पक्राउ पर्नेहरुमा रामेछाप मन्थली नगरपालिका—१६ घर भई बुढानिलकण्ठमा बस्दैं आएका ३४ वर्षीय मोतीलाल तामाङ र सुनसरीको इटहरी नगरपालिका—१९ का ४७ वर्षीय नारायण बन रहेका छन् ।

उनीहरुलाई दुवैलाई थप अनुसन्धान लागि मानव बेचबिखन अनुसन्धान ब्यूरोमा पठाइएको छ ।