डा. निकोलस भुसाल गोरखाबाट पक्राउ

काठमाडौं—विवादास्पद अभिव्यक्ति दिइरहेका डा. निकोलस भुसाल पक्राउ परेका छन् । मंगलबार डा. भुसाललाई गोरखा नगरपालिका—८ स्थित सरस्वती आश्रमबाट पक्राउ गरेको हो ।

उपत्यका अपराध अनुसन्धान कार्यलयको टोलीले पक्राउ गरेका उनलाई काठमाडौं ल्याउने तयारी गरेको छ । रुपन्देहीका भुसाल केही समयदेखि विभिन्न व्यक्ति विरुद्ध विवादास्पद अभिव्यक्ति दिइरहेका थिए ।

उनले प्रधानमन्त्री सुशीला कार्की, गृहमन्त्री ओमप्रकाश अर्याल, काठमाडौं महानगरपालिकाका मेयर बालेन शाहविरुद्ध विवादास्पद अभिव्यक्ति दिएका थिए ।

यसैगरी, पूर्व प्रधानमन्त्री केपी शर्मा ओली र पूर्व गृहमन्त्री रमेश लेखकलाई जेनजी आन्दोलनका हत्यारा भन्दैं पक्राउ गर्न माग गर्दै आएका थिए ।