शहीद धर्मभक्त राष्ट्रिय प्रत्यारोपण केन्द्रको कार्यकारी निर्देशकमा डा. कल्पना

काठमाडौं—भक्तपुरस्थित शहीद धर्मभक्त राष्ट्रिय प्रत्यारोपण केन्द्रको निर्देशकमा डा. कल्पना श्रेष्ठ नियुक्त भएकी छन् । मंगलबार बसेको मन्त्रिपरिषद्को बैठकले डा. श्रेष्ठलाई कार्यकारी निर्देशकमा नियुक्त गर्ने निर्णय गरेको एक मन्त्रीले जानकारी दिए ।

स्वास्थ्य तथा जनसंख्यामन्त्री डा. सुधा शर्माको सिफारिसमा केन्द्रको निर्देशकमा डा. श्रेष्ठलाई नियुक्त गरिएको हो । उनी केन्द्रकी अस्थायी चिकित्सक हुन् ।

यसअघिका कार्यकारी निर्देशक डा. पुकारचन्द्र श्रेष्ठ कार्यकाल सकिएपछि केन्द्रको कार्यकारी निर्देशक पद खाली थियो ।

मंगलबारको क्याबिनेट बैठकले जेनजी आन्दोलनका २४२९ जना घाइतेलाई जनही १५ हजार रुपैयाँ राहत उपलब्ध गराउने निर्णयसमेत गरेको छ ।