काठमाडौं—मुलुककै प्रतिष्ठित त्रिवि चिकित्साशास्त्र अध्ययन संस्थानअन्तर्गत महाराजगन्ज चिकित्सा क्याम्पसले विभिन्न विषयका १८ जना उप प्राध्यापक माग गरेको छ । बिहीबार महाराजगन्ज चिकित्सा क्याम्पसले एक सूचना प्रकाशित गर्दै करार सेवाअन्तर्गत १८ जना उप प्राध्यापक माग गरेको हो ।
जसमा अब्स एण्ड गाइनेमा दुई जना उप प्राध्यापक माग गरिएको छ । यसैगरी, कार्डियोलोजी, कार्डियो भास्कुलर एनेस्थेसियोलोजी, एनेस्थेसियोलोजी, ओरल एण्ड म्याक्जिलो फेसियल सर्जरी, सर्जिकल ग्यास्ट्रोइन्टेरोलोजी, अर्थोपेडिक्स स्पाइन सर्जरी, अर्थोपेडिक्स स्पाइन एण्ड अर्थोप्लाष्टीमा एक-एक जना उप प्राध्यापक माग गरिएको छ ।
यसैगरी, न्यूरो सर्जरी, युरोलोजी तथा मिर्गौला प्रत्यारोपण, पल्मोनोलोजी, क्रिटिकल केयर एण्ड सिलिप मेसिडिसन, साइक्याट्रिक, क्रिटिकल केयर मेडिसिन, पेडियाट्रिक हेमाटो अंकोलोजी, क्लिनिकल फर्माकोलोजी, अप्टोमेष्ट्री र बायोस्टाटस्टीक्समा एक—एक जना उप प्राध्यापक माग गरिएको छ ।
इच्छुकले २८ दिनभित्र आवेदन दिनुपर्ने सूचनामा उल्लेख छ ।
