धरान— केही समयदेखि बन्द रहेको विपी कोइराला स्वास्थ्य विज्ञान प्रतिष्ठान धरानको फार्मेसी सेवा पुनः सञ्चालनमा आएको छ । शुक्रबारदेखि बिरामीलाई सुलभ र सुपथ मुल्यमा औषधी उपलब्ध गराउने उद्देश्यका साथ प्रतिष्ठान फार्मेसी पुनः सञ्चालनमा ल्याइएको विपीकी प्रवक्ता प्रा.डा. अन्जु प्रधानले जानकारी दिइन् ।
प्रतिष्ठानका उपकुलपति प्रा.डा. विक्रमप्रसाद श्रेष्ठ, शिक्षाध्यक्ष प्रा.डा. संजिवकुमार शर्मा, रजिष्ट्रार प्रा.डा. सूर्यप्रसाद संग्रौला, अस्पताल निर्देशक डा. जगत नारायण प्रसादले संयुक्त रुपमा सटर खोलेर विधिवत रुपमा फार्मेसी पुनः सञ्चालनमा ल्याएका हुन् ।
नेपाल सरकारको स्वास्थ्य बीमामा आबद्धहरुले समेत उक्त फार्मेसीबाट नियमानुसारको औषधी प्राप्त गर्न सक्ने प्रवक्ता प्रा.डा. प्रधानले जानकारी दिइन् ।
फार्मेसीमा सुलभ तथा सुपथ मुल्यमा औषधीहरु पाइने हु“दा प्रतिष्ठानमा उपचारका लागि आउने सम्पुर्ण बिरामी वर्गलाई यसै फार्मेसीमा औषधी खरिद गर्न उनले आग्रह गरिन् ।
