काठमाडौं—राष्ट्रिय स्वतन्त्र पार्टी (रास्वपा)को समानुपातिक उम्मेदवारका लागि चिकित्सकहरु समेत आन्तरिक चुनावी मैदानमा छन् । रास्वपाले समानुपातिक उम्मेदवार छान्न शनिबार र आइतबार आन्तरिक भोटिङ गराइरहेको छ ।
उक्त भोटिङमा प्याथोलोजिष्ट डा. निराजन मैनाली खस आर्य तर्फका समानुपातिकतर्फ उम्मेदवार बन्न प्रतिस्पर्धामा छन् ।
डा. रुपक घिमिरे दलित कलष्टरबाट समानुपातिक उम्मेदवार बन्नका लागि रास्वपाको आन्तरिक मतदानमा प्रतिस्पर्धामा छन् । उनी रास्वपाको केन्द्रीय अभियान विभागका सदस्य छन् ।
राष्ट्रिय स्वतन्त्र पार्टीको बागमती प्रदेशका सल्लाहकार डा. मनोहर प्रधान आदिवासी जनजातितर्फ समानुपातिकको उम्मेदवार बन्न आन्तरिक प्रतिस्पर्धामा छन् । चितवनका निवासी डा. प्रधान एमडिजीपी चिकित्सक हुन् ।
डा. रन्जित पंजियार पनि रास्वपाबाट समानुपातिक उम्मेदवार बन्न प्रतिस्पर्धामा छन् ।
आन्तरिक भोटिङमा लोकप्रिय मत पाउनेलाई रास्वपाले उम्मेदवार बनाउनेछ ।
