निर्वाचनमा घाइते सुरक्षाकर्मी र निर्वाचन प्रहरीको उपचार सरकारले गर्ने

काठमाडौं—निर्वाचनका क्रममा घाइते भएका सुरक्षाकर्मी र निर्वाचन प्रहरीको उपचार सरकारले गर्ने भएको छ । मंगलबारको क्याबिनेटका निर्णय सार्वजनिक गर्दै सरकारका प्रवक्ता तथा गृहमन्त्री ओमप्रकाश अर्यालले उक्त जानकारी दिएका हुन् ।

‘निर्वाचनको क्रममा घाइते भएका सुरक्षाकर्मी तथा निर्वाचन प्रहरीलाई उपचारका लागेको खर्च नेपाल सरकारले व्यहोर्नेछ,’ बुधबार क्याबिनेटका निर्णय सार्वजनिक गर्दै अर्यालले भने ।

यस्तै, सरकारले सो अवधिमा सुरक्षाकर्मी र निर्वाचन प्रहरीको मृत्यु भएमा निजको आश्रित परिवारलाई आर्थिक सहायता उपलब्ध गराउने निर्णयसमेत गरेको छ ।