काठमाडौं—निजामती कर्मचारी अस्पतालले २१ फागुनमा हुने प्रतिनिधिसभा निर्वाचनका लागि १३ सदस्सीय आपत्तकालीन स्वास्थ्य उपचार व्यवस्थापन समिति बनाएको छ । अस्पतालले अस्पतालका मेडिकल डिभिजन प्रमुख डा. दिपक पौडेलको नेतृत्वमा १३ सदस्सीय निर्वाचन केन्द्रीत आपत्तकालीन स्वास्थ्य उपचार व्यवस्थापनका लागि उक्त समिति गठन गरेको हो ।
समितिमा सिनियर रजिष्ट्रार प्रा.डा. जितेन्द्र परियार, रजिष्ट्रार डा. अरुण सिग्देल, रजिष्ट्रार डा. जेनर कुरुम्वाङ्ग, रजिष्ट्रार डा. समिर न्यौपाने सदस्य रहेका छन् । यसैगरी, निमित्त नर्सिङ प्रमुख सविका मुनिकार, प्रशासकीय अधिकृत रञ्जना नेपाल, फार्मेसी अधिकृत दीपा ढुंगाना रेडियोग्राफी टेक्नोलोजिष्ट प्रविन धौराली, बरिष्ठ ल्याब टेक्नीसियन अमेन्द्र अधिकारी र सवारी इञ्चार्ज रामहरि श्रेष्ठ सदस्य छन् ।
निर्वाचन केन्द्रीत आपत्तकालीन स्वास्थ्य उपचार व्यवस्थापन समितिको सदस्य सचिवको जिम्मेवारी भने रजिष्ट्रार डा. रमेश पन्तलाई तोकिएको छ । अस्पतालका कार्यकारी निर्देशक प्रा.डा. मोहनचन्द्र रेग्मीकाअनुसार उक्त टोली २१ फागुनमा हुने निर्वाचनको आपत्तकालीन व्यवस्थापनलाई केन्द्रीत गरेर बनाइएको हो ।
