खाद्य प्रविधि तथा गुण नियन्त्रण विभागका प्राविधिक सहायक चौधरी अख्तियारको नियन्त्रणमा

काठमाडौं—अख्तियार दुरुपयोग अनुसन्धान आयोगले खाद्य प्रविधि तथा गुण नियन्त्रण विभागका प्राविधिक सहायक सन्जय चौधरीलाई घुससहित नियन्त्रणमा लिएको छ । सोमबार चौधरीलाई सेवाग्राहीबाट ३० हजार रुपैयाँ घुस लिइसकेको अवस्थामा पक्राउ गरिएको अख्तियारका प्रवक्ता सुरेश न्यौपानेले जानकारी दिए ।

चौधरी बबरमहलस्थित खाद्य प्रविधि तथा गुण नियन्त्रण विभागको अनुगमन तथा निरीक्षण शाखामा कार्यरत छन् । चौधरीले उधोग नवीकरण गर्दा सेवाग्राहीसँग घुस मागेर दुःख दिने गरेको उजुरी अख्तियारमा परेको थियो ।

सोही उजुरीका आधारमा अख्तियारले अनुसन्धान गर्दा सोमबार चौधरी ३० हजार घुससहित पक्राउ परेका हुन् । उनीमाथि थप अनुसन्धान जारी रहेको प्रवक्ता न्यौपानेले जानकारी दिए ।