काठमाडौं—विपी कोइराला स्वास्थ्य विज्ञान प्रतिष्ठानमा कार्यरत पेशागत संगठन कर्मचारी कल्याण समाजको अध्यक्षमा संजिव कुमार कर्ण निर्वाचित भएका छन् । २१ चैतमा भएको निर्वाचनबाट कर्ण अध्यक्षमा निर्वाचित भएका हुन् ।
कर्ण ६५४ मत प्राप्त गर्दै अध्यक्षमा विजयी भएका हुन् । उनका प्रतिस्पर्धी अविरमान राईले ६ सय २२ मत प्राप्त गरेका थिए ।
त्यसैगरी, वरिष्ठ उपाध्यक्षमा ५ सय मत प्राप्त गरी श्याम सुन्दर मेहेता निर्वाचित भए । वरिष्ठ उपाध्यक्ष (महिला)मा निशा श्रेष्ठ निर्विरोध निर्वाचित भइन् । उपाध्यक्षतर्फ भने प्रशासनिक समुहमा पंचमाया ताम्ली ४ सय ७० मत, पारामेडिक्स समूहमा प्रेमकुमार श्रेष्ठ ५ सय ८६ मत प्राप्त गर्दै निर्वाचित भए भने नर्सिङ समूहतर्फ निर्मला बाँस्तोला निर्विरोध निर्वाचित भइन् ।
संगीता कुमारी चौधरी महासचिव पदमा निर्वाचित भइन् । उनले ६ सय १८ मत प्राप्त गरेक थिइन् । सचिवमा निर्वाचित भएकी नितु चौधरीले ७ सय ३३ मत प्राप्त गरिन् भने रमा बस्नेत ७ सय मत प्राप्त गरेर कोषाध्यक्षमा निर्वाचित भइन् ।
सदस्यहरुमा भने प्रशासनिक समूहतर्फ भुपध्वज बुढाथोकी, पेशल कुमार वाग्ले, मालती देवी उराँव निर्वाचित भए भने नर्सिङ समुहतर्फ मनहिरा कार्की, मैया श्रेष्ठ, रिजु चौहान निर्विरोध निर्वाचित भए । त्यसैगरी, पारामेडिक्स समुहतर्फ तुलाचन्द चौधरी, सुनिता राई, रोहित झा निर्वाचित भए भने सदस्यहरुको खुल्ला समूहतर्फ रोशन बर्देवा, अनन्तराम माझी, आरधना कुमारी शाह, तिजा राई, सेखा कुमारी सरदार र जीवन मगर निर्विरोध निर्वाचित भए ।
निर्वाचित कार्य समितिको कार्यकाल तीन वर्षको हुने व्यवस्था छ ।
प्रतिष्ठानका रजिष्ट्रार प्रा.डा. सुर्य संग्रौलाले चिफ लाइब्रेरियन विनोदकुमार यादवको अध्यक्षमा ७ सदस्सीय निर्वाचित समिति गठन गरेको थियो । उक्त समितिले शान्तिपूर्ण रुपमा निर्वाचन सम्पन्न गरेको हो ।
