उपसभामुख ठाकुर अस्पतालबाट डिस्चार्ज

काठमाडौं—स्वास्थ्यमा समस्या आएपछि किष्ट अस्पताल भर्ना भएकी प्रतिनिधिसभाकी उपसभामुख रुबीकुमारी ठाकुर डिस्चार्ज भएकी छन् । बिहीबार दिउँसो ठाकुरलाई डिस्चार्ज गरिएको अस्पतालले जनाएको छ ।

१६ वैशाख ठाकुर अस्वस्थ भएपछि किष्ट अस्पतालको इमर्जेन्सीमा भर्ना भएकी थिइन् । उनलाई गाइनोकोलोजी विभागअन्तर्गत क्याबिनमा भर्ना गरेर उपचार गरिएको थियो ।

अस्पतालले ठाकुरलाई चिकित्सकको नियमित फलोअपमा रहन परामर्श दिइएको जनाएको छ ।