चिकित्सा शिक्षा आयोगको उपाध्यक्षका लागि आवेदन माग

काठमाडौं—सरकारले चिकित्सा शिक्षा आयोगको उपाध्यक्षका लागि आवेदन माग गरेको छ । बुधबार चिकित्सा शिक्षा आयोगको उपाध्यक्ष पदमा नियुक्तिका लागि नाम सिफारिस गर्न गठित सिफासिर समितिले उपाध्यक्षका लागि दरखास्त माग गरेको हो ।

समितिले ‘चिकित्सा शिक्षा आयोगको उपाध्यक्ष पदमा नियुक्तिका लागि नाम सिफारिस गर्न उम्मेदवार छनोट सम्बन्धी कार्यविधि, २०८३’ अनुसार आवेदन माग गरेको हो ।

उपाध्यक्षका लागि चिकित्साशास्त्रको कुनै पनि विधामा स्नातकोत्तर गरी त्यही विधामा कम्तिमा २० वर्षको अनुभव हासिल गरेको, चिकित्सा शिक्षा विज्ञका रुपमा ख्याति प्राप्त, उत्कृष्ट व्यवस्थापकीय सिप र कौशल प्राप्त गरेको, नियुक्ति हुँदाको बखत कुनै राजनीतिक दलको सदस्य नरहेको, चिकित्सा शिक्षाका क्षेत्रमा निजी स्वार्थ  नभएको लगायतका मापदण्ड पूरा गरेको हुनुपर्नेछ ।