सिंहदरबारमा निजामती कर्मचारी अस्पतालको उपचार सेवा एकाई सञ्चालनमा

काठमाडौं—निजामती कर्मचारी अस्पतालले सिंहदरबारभित्र कर्मचारीहरुका लागि स्वास्थ्य सेवा एकाई सञ्चालनमा ल्याएको छ ।

शुक्रबारबाट अस्पतालले भूमी व्यवस्था, सहकारी, संघीय मामिला तथा सामान्य प्रशासन मन्त्रालय भवनको तल्लो तलामा निजामती कर्मचारी उपचार सेवा इकाई सञ्चालनमा ल्याएको हो ।

निजामती अस्पतालका निमित्त कार्यकारी निर्देशक डा. रविप्रकाश शर्माका स्वकीय सचिव गोमिक सिद्धी शिल्पकारकाअनुसार अब सिंहदरबारस्थित इकाईबाट फ्यामिली मेडिसिन फिजिसियन सेवा दिनेछन् ।

इकाईबाट कर्मचारीको स्वास्थ्य परीक्षण हुनेछ । भूमी व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलले इकाईमा पुगेर सेवा लिएकी थिइन् ।