प्रधानमन्त्री ओलीको एपेन्डिसाइटिसको शल्यक्रिया सफलतापूर्वक सम्पन्न

काठमाडौं—प्रधानमन्त्री केपी शर्मा ओलीको एपेन्डिसाइटिसको शल्यक्रिया सफलतापूवर्क सम्पन्न भएको छ । मनमोहन कार्डियोथोरासिक एण्ड भास्कुलर ट्रान्सप्लान्ट सेन्टरमा मंगलबार विहान पौने १ बजे प्रधानमन्त्रीको एपेन्डिसाइटिसको शल्यक्रिया सफलतापूर्वक सम्पन्न भएको हो ।

प्रधानमन्त्रीका प्रेस सल्लाहकार सुर्य थापाले प्रधानमन्त्रीको शल्यक्रिया सफलतापूर्वक सम्पन्न भएको पुष्टि गरेका छन् । ‘प्रधानमन्त्री केपी शर्मा ओलीज्यूको मनमोहन कार्डियोथोरासिक भास्कुलर ट्रान्सप्लान्ट सेन्टर, महाराजगञ्जमा एपेन्डिसाइटिसको अपरेसन १२:४५ बजे सफलतापूर्वक सम्पन्न भएको छ,’ उनले भने, ‘यो सुखद समाचार सबैको जानकारीका लागि अनुरोध गर्दछु ।’

अकस्मात पेट दुखेपछि विहानै प्रधानमन्त्री ओली मनमोहन सेन्टर पुगेका थिए । स्वास्थ्य परीक्षणका क्रममा एपेन्डिसाइटिस देखिएपछि उनको शल्यक्रिया गरिएको थियो । प्रधानमन्त्रीको सफल शल्यक्रिया प्रा.डा. अरुण सायमी, डा. रमेशसिंह भण्डारीलगायतको टोलीले गरेको हो ।