अस्पतालबाट प्रधानमन्त्रीले भने, ‘यतिबेला मेरो स्वास्थ्य तीब्र गतिमा सुधार भैरहेको छ’

काठमाडौं—एपेन्डिसाइटिसको शल्यक्रिया गरेर त्रिवि शिक्षण अस्पतालको मनमोहन काडियो थेरासिस एण्ड भास्कुल ट्रन्सप्लान्ट सेन्टरमा उपचाररत प्रधानमन्त्री केपी शर्मा ओलीले आफ्नो स्वास्थ्य तीब्र गतिमा सुधार भैरहेको बताएका छन् ।

बिहीबार विहान ब्यक्तिगत ट्वीट ह्याण्डलबाट ट्वीट गर्दै गर्दै प्रधानमन्त्रीले आफ्नो स्वास्थ्य तीव्र गतिमा सुधार भैरहेको जानकारी दिएका हुन् ।

प्रधानमन्त्रीले ट्वीटमा भनेका छन्, ‘वितेका दुई दिनयता म एपेन्डिसाइटिसको शल्यक्रिया गरी स्वास्थ्योपचार गराइरहेको छु । यतिबेला मेरो स्वास्थ्य तीब्र गतिमा सुधार भइरहेका छ । स्वास्थ्यस्थितीबारे चासो राख्नुहुने, शुभेच्छा प्रकट गर्नुहुने सम्पूर्ण दाजुभाई तथा दिदीबहिनीहरुमा हार्दिक धन्यवाद व्यक्त गर्दछ ।’

बितेका दुई दिनयता म एपेन्डिसाइटिसको शल्यक्रिया गरी स्वास्थ्योपचार गराइरहेको छु । यतिबेला मेरो स्वास्थ्य तीब्र गतिमा सुधार भइरहेको छ । स्वास्थ्यस्थिति बारे चासो राख्नुहुने, शुभेच्छा प्रकट गर्नुहुने सम्पूर्ण दाजुभाइ तथा दिदीबहिनीहरुमा हार्दिक धन्यवाद व्यक्त गर्दछु ।

— K P Sharma Oli (@kpsharmaoli) November 28, 2019