कोरिया जाने कामदारको स्वास्थ्य परिक्षणः कसकाे कुन अस्पतालमा कहिले पर्छ पालाे ? के के चाहिन्छ कागजात?

काठमाडौ-कोरिया जाने कामदारहरुको लागि स्वास्थ्य परिक्षण आजबाट शुरु भएको छ । सन् २०२० को लागि ईपीएस कोरियन भाषा परीक्षा उत्तीर्ण गरेकाहरुको स्वास्थ्य परीक्षण बुधबारबाट शुरु गरिएको हो ।

स्वास्थ्य परीक्षण काठमाडौं उपत्यकाका ४ वटा अस्पतालबाट गर्ने व्यवस्था मिलाइएको इपिएस कोरिया शाखाले जनाएको छ । शुक्रराज ट्रपिकल अस्पताल, निजामति अस्पताल, नेपाल कोरियामैत्री अस्पताल र पाटन अस्पतालमा उनिहरुको स्वास्थ्य परीक्षण हुनेछ ।

स्वास्थ्य परीक्षणमा पास भएका र उपयुक्त प्रहरी रिपोर्ट आएकाहरुले कोरिया जान पाउनेछन् । स्वास्थ्य परिक्षण गर्नेहरुको भिड टेकु अस्पतालमा लागेको अस्पतालका प्रशासन प्रमुख रुपनारायण खतिवडाले बताए । उनका अनुसार एक हप्ता सम्म स्वास्थ्य परिक्षण हुने भएको छ । दिनको तीन सयका दरले स्वास्थ्य परिक्षण गरिने खतिवडाले बताए ।