थप ५५ जना कोरोना पुष्टि, कर्णालीमा संक्रमितको संख्या ७६३ पुग्यो

सुर्खेत – सुर्खेत कर्णाली प्रदेशमा बिहीबार ५५ जना कोरोना संक्रमित (कोभिड(१९) थपिएका छन् । पशुपंक्षी रोग अन्वेषण प्रयोगशाला सुर्खेतमा गरिएको पीसीआर परीक्षणमा ५५ जनाको रिपोर्ट पोजेटिभ आएको प्रदेश स्वास्थ्य सेवा माहासाखाले जनाएको हो।

दैलेखका ४८ जना, सुर्खेतका ५ जना र काठमान्डौका १ जनामा संक्रमण पुष्टि भएको प्रदेश स्वास्थ्य सेवा माहाशाखा प्रमुख लक्ष्मीनारायण तिवारीले जनाएका छन् । यो सँगै प्रदेशमा संक्रमितको कूल संख्या ७ सय ६३ पुगेको छ ।

कर्णालीमा कोरोनाबाट ३ जनाको मृत्यु भइसकेको छ भने कोरोना संक्रमणबाट निको भई ६० जना डिस्चार्ज भएको प्रदेश स्वास्थ्य सेवा महाशाखाले जनाएको छ ।