२०७९ असार १०, शुक्रबार
Health Aawaj logo
गृहपृष्ठसौन्दर्य स्वास्थ्यमान्छे किन कोही गोरो कोही कालो हुन्छ ?

मान्छे किन कोही गोरो कोही कालो हुन्छ ?


डा. धर्मेन्द्र कर्ण
छाला तथा सौन्दर्य विशेषज्ञ

कोहि व्यक्ति देख्ने वित्तिकै मस्तिष्कले भेउ पाइहाल्छ, यो व्यक्ति कालो वा गोरो छ । आखिर किन हुन्छ , व्यक्ति गोरो र कालो ?

मेलानिनको प्रभाव

मानिसको शरीरको छालामा रंग दिने कोष हुन्छ । यस कोषलाई मेलानोसाइट भनिन्छ । मेलानोसाइटको संख्या हरेक व्यक्तिको शरीरमा बराबर नै हुन्छ । मेलानोसाइटले छालामा रंग निकाल्छ । छालामा रंग फ्याल्ने क्षमता चाहि व्यक्ति पिच्छे फरक —फरक हुन्छ ।

अमेरिकनहरुको छालामा मेलानोसाइट कोषले फाल्ने रंग बढी हुन्छ । नेपालीहरुको छालामा मेलानोसाइटले फाल्ने रंग न्युन हुन्छ ।

के के गर्छ मेलानोसाइटले ?

  • मेलानोसाइटले मेलानिन बनाउँछ ।
  • मेलानिनले घामबाट जोगाउन सहयोग गर्छ ।
  • मेलानिनले क्यान्सर हुनबाट जोगाउँछ ।
  • चाउरीपना आउँदैन ।
  • यहिं मेलानिनले नै छालालाई रंग दिएर गोह्रो वा कालो बनाउँछ ।

जसको छालामा मेलानिन बढी हुन्छ त्यो कालो वर्णको हुन्छ । जसको छालामा मेलानिन न्युन हुन्छ त्यो व्यक्ति गोरो देखिन्छ । नेपालीको छालाको रंगलाई उत्तम मानिन्छ । अधिकाशंकाले छाला न त धेरै गोरो न त कालो हुन्छ । त्यसैले नेपालीको छालालाई सबैभन्दा राम्रो मानिन्छ । नेपालीको छाला गहु जस्तो न कालो न त सेतो भएको कारण गहुगोरो मानिन्छ । यस्तो छालामा छिटै चाउरीपना आउँदैन ।

घामको असर

नेपालीहरुको छाला प्रायः सुख्खा हुन्छ । वातावरणीय कारणले हाम्रो छाला सुख्खापन देखिएको हो । अर्को कुरा घामले पनि व्यक्तिको छालालाई असर गर्छ । दिउसोको चर्को घाममा हिंडदा त्यसको असर अनुहार लगायत खुला भागमा पर्छ । अल्ट्राभायोलेट किरणले पनि छालालाई असर गर्छ । घाममा निस्कनु पर्दा टोपि, कालो छाता, चश्माको प्रयोग गर्नु पर्छ बाहिर निस्कनु भन्दा १५ मिनेट पहिले सनस्क्रिन लगाएर हिंडनु पर्छ । सनस्क्रिन लगाउँदैमा शतप्रतिशत घामबाट जोगिन सकिंदैन । यसको लागि अन्य उपायहरु अपनाउनु पर्ने हुन्छ ।


क्याटेगोरी : सौन्दर्य स्वास्थ्य



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)