२०८१ असार २, शनिबार
Health Aawaj logo
गृहपृष्ठकर्णाली प्रदेशसल्यानमा कोरोना जितेर घर फर्किनेको संख्या १५७ पुग्यो

सल्यानमा कोरोना जितेर घर फर्किनेको संख्या १५७ पुग्यो


सल्यान – सल्यानमा कोरोना जितेर घर फर्किनेको संख्या १५७ पुगेको छ । आइतबार थप पाँच जना संक्रमित उपचार पछि निको भएर घर फर्किएसँगै  संक्रमणमुक्त हुने संख्या १५७ पुगको हो  ।

आइसोलेसनमा उपचार गराइ रहेका दुई कर्मचारी सहित पाँच जनाले कोरोना जितेका हुन ।स्वास्थ्य कार्यालय सल्यानका कोरोना फोकल पर्सन रिखाराम पुनका अनुसार लुहापिङ आइसोलेसनमा उपचार गराइरहेका दार्मा गाउँपालिकाका पाँच जनाको पछिल्लो स्वाबको रिर्पोट नेगेटिभ आएपछि आइतबार डिस्चार्ज गरिएको छ ।

करिब  एक हप्ता होम क्वारेनटाइनमा बस्ने गरी उनीहरुलाई घर पठाइएको पुनको भनाइ छ । कोरोना भाइरसबाट निको भएका दुई जना दार्मा गाउँपालिकाका कर्मचारी हुन भने तीन जना भारतबाट आइ क्वारेनटाइनमा बसेका नागरिक हुन ।

सल्यान अस्पतालबाट ८ जना , आइसोलेसन कक्ष लुहापिङबाट १ सय २२, प्रदेश अस्पताल सुर्खेतबाट १३ र मिसन अस्पताल चौरजहारीबाट ११ जना निको भएर घर फर्कि सकेको स्वास्थ्य कार्यालय सल्यानले जनाएको छ । सल्यानमा हालसम्म २ सय ७ जनामा कोरोना सक्रमण पुष्टि भएको छ ।


क्याटेगोरी : कर्णाली प्रदेश



तपाईको प्रतिक्रिया दिनुहोस


ट्रेण्डिङ