कर्णाली स्वास्थ्य विज्ञान प्रतिष्ठानको कार्यकारी परिषद्मा डा. भट्टराईको नियुक्तिसँगै पूर्णता

जुम्ला—लामो समयदेखि पूर्णता पाउन नसकेको कर्णाली स्वास्थ्य विज्ञान प्रतिष्ठानको कार्यकारी परिषद्ले पूर्णता पाएको छ । सोमबार प्रतिष्ठानका सहकुलपतिसमेत रहेका स्वास्थ्य तथा जनसंख्यामन्त्री भवानीप्रसाद खापुङले डा. रमेश भट्टराईलाई कार्यकारी परिषद् सदस्यमा नियुक्त गरेसँगै परिषद्ले पूर्णता पाएको छ ।

डा. मंगल रावलको सिफारिसमा डिनहरुको तर्फबाट डा. रमेश भट्टराईलाई कार्यकारी परिषद्का सदस्यका लागि गरेको सिफारिस गरेका थिए । उक्त सिफारिसअनुसार मन्त्री खापुङले डा. भट्टराईलाई परिषद्को सदस्यमा नियुक्त गरेका हुन् ।

प्रतिष्ठानका डिन रहेका डा. भट्टराई यसअघि प्रतिष्ठानको प्रवक्ताको जिम्मेवारी पनि सम्हालिसकेका छन् । एनेस्थेसियोलोजिष्ट उनी ८ वर्षदेखि प्रतिष्ठानमा कार्यरत चिकित्सक हुन् ।

प्रतिष्ठानको कार्यकारी परिषद्मा उपकुलपति, शिक्षाध्यक्ष, रजिष्ट्रार र निर्देशक पदेन सदस्य रहने व्यवस्था छ । उपकुलपतिको सिफारिसमा चिकित्सक शिक्षकका तर्फ डा. अनुममंगलस समाल र डा. राजीव साह यसअघि नै कार्यकारी परिषद्को सदस्यमा नियुक्त भइसकेका छन् ।