पातारासी गाउँपालिकामा निःशुल्क स्वास्थ्य शिविर

जुम्ला—पातारासी गाउँपालिका– १ र २ वडामा महिलाको पाठेघर सम्बन्धि निःशुल्क स्वास्थ्य शिविर सञ्चालन गरिएको छ । शिविरमा दुई वडाका १३० जना महिलाले निःशुल्क पाठेघर चेक जाँच गरेका छन् ।

सेमी फाउन्डेसनको सहयोग र सर्वोदय नेपाल जुम्लाको सहजीकरण पाठेघर सम्बन्धि शिविर सञ्चालन गरिएको हो ।

सर्वोदय विकासका लागि अभियोन नेपाल जुम्लाका कार्यकारी निर्देशक कमल खत्रीका अनुसार १० जना महिलालाई थप उपचारका लागि कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा रेफर गरिएको छ ।

हिमाली भेगका महिलाहरु बढी काम गर्ने, स्वास्थ्यमा त्यति ध्यान नदिने र पोषणयुक्त खानाका अभावले गर्दा पनि पाठेघरमा संक्रमण देखिने गरेको चिकित्सक बताउँछन् ।