दैलेखमा भेटिए ६ जना दादुरा रुबेला संक्रमित

वीरेन्द्रनगर—सरकारले दादुरा रुबेला खोप राष्ट्रिय अभियान चलाइरहेकै बेला दैलेखमा ६ जना दादुरा रुवेलाबाट संक्रमित बिरामी भेटिएका छन् ।

नियमित रगत परीक्षणका क्रममा दादुरा रुवेलाबाट संक्रमित बिरामी भेटिएको जनस्वास्थ्य सेवा कार्यालय दैलेखले जनाएको छ ।

स्वास्थ्य कार्यालयले दिएको जानकारीअनुसार सदरमुकाम समेत रहेको नारायण नगरपालिकामा मात्रै ५ जना र भैरवी गाउँपालिकामा १ गरी ६ जना दादुरा रुवेलाका बिरामी भेटिएका हुन् ।

चालु आर्थिक वर्षको साउन यता मात्रै ४ जना बालबालिकामा दादुरा रुवेला ‘पोजेटिभ’ देखिएको जनस्वास्थ्य सेवा कार्यालय दैलेखका प्रमुख धीरप्रसाद रेग्मीले बताए ।

उनकाअनुसार संक्रमित बिरामीहरुको रगत परीक्षणका लागि काठमाडौंको टेकुस्थित जनस्वास्थ्य प्रयोगशालामा पठाइएको छ ।