प्रदेश ५ मा कोभिड—१९ ‘आउट ब्रेक’, बाँकेका १ जनामा देखियो कोरोना पोजेटिभ

काठमाडौं—प्रदेश ५ मा कोभिड—१९ ‘आउट ब्रेक’ भएको छ । नेपालगन्जको पीसीआर प्रयोगशालामा गरिएको थ्रोट स्वाब परीक्षणमा बाँकेका एक जनामा  कोभिड—१९  पोजेटिभ देखिएको हो ।

नेपालगन्ज प्रयोगशालाको पिसीआर परीक्षणमा पोजेटिभ देखिएका व्यक्ति नेपालगन्जकै ६० वर्षीय पुरुष हुन् । कोभिड—१९ पोजेटिभ देखिएका व्यक्तिको थप विवरण आउन बाँकी छ ।

प्रदेश ५ मा पहिलो पटक कोभिड—१९ आउटब्रेक भएको छ । यसअघि प्रदेश १, प्रदेश २, बागमती प्रदेश, गण्डकी र सुदूरपश्चिम प्रदेशमा कोभिड—१९ संक्रमित बिरामी भेटिएका थिए ।

प्रदेशमा ५ मा एक जनामा कोभिड—१९ पुष्टी भएसँगै संक्रमित संख्या ५८ जना पुगेको छ । जसमध्ये १६ जना संक्रमित उपचारपछि निको भएर घर फर्किसकेका छन् ।