चीनद्वारा नेपाल सरकारलाई स्वास्थ्य सामाग्री हस्तान्तरण

काठमाडौँ – चीनले नेपाल सरकारलाई स्वास्थ्य सामाग्री हस्तान्तरण गरेको छ । सोमबार चीनले ४० हजार पीसीआर टेस्ट कीट, सर्जिकल मास्क ८ लाख, एन ९५ मास्क २० हजार थान, डिस्पोजेबल कभरल १० हजार थान लगायतका स्वास्थ्य सामाग्री स्वास्थ्य तथा जनसंख्या मन्त्रालयलाई हस्तान्तरण गरेको हो ।

उक्त स्वास्थ्य सामाग्री नेपालला लागि चिनियाँ राजदूत होउ यान्छीले स्वास्थ्य मन्त्री भानुभक्त ढकाललाई हस्तान्तरण गरेकी हुन् । मन्त्रालयमा आयोजित हस्तान्तरण कार्यक्रममा बोल्दै राजदुत यान्छीले केहि महिना अघि नेपालले चीनलाई सहयोग गरेको र नेपाललाई पनि सहयोग गर्दा खुसी मिलेको जिकिर गरिन।

यता, मन्त्री ढकालले पनि चीनको प्रशंसा गर्दै भने, ‘चीनले आपतमा असल छिमेकी राष्ट्रको भूमिका निभाउदै नेपाललाई अप्ठ्यारो परेका बेला सहयोग गर्दै आएको छ ।’