सरकारद्वारा डा. भगवान कोइरालाको काठमाडौं इन्स्टिच्युट अफ चाइल्ड हेल्थलाई ४१ रोपनी जग्गा लिजमा दिने निर्णय

काठमाडौं—सरकारले चर्चित चिकित्सक भगवान कोइरालाले स्थापना गर्न लागेको काठमाडौं इन्स्टिच्युट अफ चाइल्ड हेल्थलाई ४१ रोपनी जग्गा उपब्लध गराउने भएको छ । बिहीबार मन्त्रिपरिषद्का निर्णयहरु सार्वजनिक गर्न आयोजित पत्रकार सम्मेलनमा सरकारका प्रवक्ता तथा सूचना, सञ्चार तथा प्रविधी मन्त्री गोकुल बाँस्कोटाले उक्त जानकारी दिएका हुन् ।

साउन ६ गते बसेको मन्त्रिपरिषद्को बैठकले  डा. कोइरालाले स्थापना गर्न लागेको काठमाडौं इन्स्टिच्युट अफ चाइल्ड हेल्थलाई ४१ रोपनी १० आना ३ पैसा  लिजमा उपलब्ध गराउने निर्णय गरेको हो ।

‘काठमाडौं इन्स्टिच्युट अफ चाइल्ड हेल्थलाई काठमाडौं जिल्ला साविक खड्का भद्रकाली गाविस वडा नंं. ७ कित्ता नं. ७३ हाल बुढानिलकण्ठ नगरपालिका वडा नं. ७ कित्ता नं. २३ को नेपाल सरकारका नाममा रहेको क्षेत्रफल ४१ रोनी १० आना ३ पैसा लिजमा उपलब्ध गराउने निर्णय गरिएको छ,’ मन्त्रिपरिषद्को बुधबार सार्वजनिक गरिएको ६ साउनको निर्णयमा भनिएको छ ।