कुन तहका चिकित्सकको तलब कति ?

हेल्थ आवाज सोमबार, २०७६ साउन २० गते, २२:२२ मा प्रकाशित

काठमाडौं–अर्थ मन्त्रालयले सरकारी कर्मचारीहरुको नयाँ तलब निर्धारण गरेको छ । चालु आर्थिक वर्षको बजेटमा सरकारले सरकारी कर्मचारीको तलब वृद्धि गरेसँगै साउन १ गतेदेखि लागु हुने गरी अर्थले नयाँ तलब निर्धारण गरेको हो ।

यससँगै स्वास्थ्य समूहका विभिन्न तहका चिकित्सक तथा कर्मचारीको नयाँ स्केल पनि निर्धारण भएको छ । नयाँ तलबअनुसार आठौं तहका चिकित्सकको तलब ४५ हजार ७ सय ६४ रहेको छ ।

यस्तै, नवौ तहका स्वास्थ्य मन्त्रालयका कर्मचारी तथा चिकित्सकहरुले ४९ हजार ३ सय ९२ रुपैयाँ तबल पाउनेछन् ।

यस्तै, दशौं तहका चिकित्सकको तबल ५३ हजार ६ सय ९६ छ भने एघारौ तहका चिकित्सकको तलब ५५ हजार ६ सय ६१ र बाह्रौ तहको ६४ हजार ७ सय २६ रुपैयाँ रहेको छ ।