टीकापुर घटनाको सजाय भोगिरहेका रेशम चौधरी अस्पताल भर्ना

काठमाडौं—टीकापुर घटनामा सजाय भोगिरहेका रेशम चौधरी अस्पताल भर्ना भएका छन्। मुटु र खुट्टामा समस्या देखिएपछि उनलाई वीर अस्पतालमा भर्ना गरिएको छ ।

डिल्लीबजार कारागारका जेलर गणेश आचार्यका अनुसार केही दिनदेखि मुटु दुख्ने र खुट्टा सुनिने समस्या देखिएकाले चौधरीलाई अस्पताल भर्ना गरिएको हो ।

तत्कालीन् राष्ट्रिय जनता पार्टीका तर्फबाट कैलाली क्षेत्र नम्बर १ बाट निर्वाचित प्रतिनिधि सभा सांसद रेशम चौधरीले २०७५ पुस १९ मा शपथ लिएका थिए ।

रेशममाथि २०७२ भदौ ७ गते भएको टीकापुर हत्याकाण्डका मुख्य अभियुक्तको आरोप लागेको छ ।अदालतले चौधरीसहित ११ जनालाई जन्मकैद फैसला सुनाएको थियो।