२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ कोरोना विरुद्ध प्लाज्मा थेरापी गरिएका जनकपुरका पूर्वमेयर गिरीको निधन

कोरोना विरुद्ध प्लाज्मा थेरापी गरिएका जनकपुरका पूर्वमेयर गिरीको निधन


काठमाडौं—कोरोना संक्रमणबाट जनकपुरका पूर्व मेयर तथा उद्यमी कृष्ण गिरीको निधन भएको छ । भैसेपाटीस्थित नेपाल मेडिसिटी अस्पतालमा मंगलबार राति उनको निधन भएको अस्पतालका निर्देशक डा. सुनिलकुमार शर्माले बताए ।

‘उहाँको हिजो राति निधन भएको हो,’ उनले भने, ‘भेन्टिलेटरमा उपचाररत हुनुहुन्थ्यो ।’ ७२ वर्षीय गिरीको ६/७ दिनअघि कन्भालेसेन्ट प्लाज्मा थेरापी पनि गरिएको थियो ।

जनकपुरमा कोरोना पुष्टि भएका उनको स्वास्थ्यमा समस्या देखिएको थियो । स्वास्थ्यमा समस्या देखिएपछि तीन साताअघि हेलिकप्टर चार्टर गरेर उनलाई काठमाडौं ल्याइएको थियो ।

काठमाडौं ल्याइएपछि उनको मेडिसिटी अस्पतालमा उपचार सुरु गरिएको थियो । यो बीचमा स्वास्थ्य सुधार नभएपछि उनलाई रेमडिसिभिर पनि दिइएको थियो ।

गिरी जनकपुरको पुरानो र ठूलो होटल रामाका सञ्चालक समेत हुन् । उनी नेपाल रेडक्रस जनकपुरका पूर्व अध्यक्ष समेत हुन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ